Şolz "TikTok" hesabında rəsq etməyəcəyinə dair söz verib

Almaniya kansleri Olaf Şolz əvvəllər platformada olan ABŞ prezidenti Co Bayden və Fransa prezidenti Emmanuel Makronla birlikdə rəsmi "TikTok" hesabı yaradıb.

"Operativ Media" xəbər verir ki, bu barədə “Politico” qəzeti yazıb.

Siyasətçi "TikTok" hesabının yaradıldığı xəbərini açıqlayıb: “Mən rəqs etməyəcəyəm. Söz verirəm. #TikTok”.

Qeyd olunub ki, Şolz Çin platformasına marağı olduğunu ilk dəfə fevralın 29-da Drezdendə seçicilərlə görüşündə açıqlayıb. Bu addımın Avropa Parlamentinə (AP) növbədənkənar seçkilərə, həmçinin Brandenburq, Türingiya və Saksoniya federal əyalətlərində regional seçkilərə yönəldiyini irəli sürülür. Beləliklə, siyasətçi gənc seçicilər sayəsində populyarlıq qazanan “Almaniya üçün Alternativ” partiyası ilə rəqabət aparmaq istəyir.

Xatırladaq ki, ABŞ Konqresinin Nümayəndələr Palatası ölkədə "TikTok"a girişi məhdudlaşdıra biləcək qanun layihəsi hazırlayır. Sənəddə bildirilir ki, sosial şəbəkə “xarici düşmənlər” tərəfindən idarə olunduğu üçün milli təhlükəsizliyə təhlükə yaradır. Bu kontekstdə Şolzun ​​qərarı Qərb ölkələrində platformaya münasibəti yaxşılaşdırmaq cəhdi kimi qiymətləndirilir.