ABŞ-nin Somalidəki səfirliyi terror aktları təhlükəsi barədə xəbərdarlıq edib

ABŞ-nin Somalidəki səfirliyi həmvətənlərinə terror hücumları təhlükəsi ilə bağlı xəbərdarlıq edib. 

"Operativ Media" xəbər verir ki, bu barədə diplomatik departamentin saytında yerləşdirilən məlumatda deyilir.

"ABŞ-nin Nayrobidəki səfirliyi Moqadişunun müxtəlif ərazilərində, o cümlədən Moqadişudakı Adena Adde Beynəlxalq Hava Limanında təhlükələrlə bağlı məlumat alıb", - ABŞ-nin Somalidəki səfirliyi bildirib.

"ABŞ səfirliyi işçilərinin bütün hərəkətləri 9 aprel çərşənbə axşamından dayandırılıb. Cinayət, terrorizm, vətəndaş iğtişaşları, sağlamlıq təhdidləri, adam oğurluğu və piratçılığa görə Somali üçün 4-cü Səviyyə Xəbərdarlığı qüvvədədir. Bu ölkəyə səyahət etməyin", - məlumatda qeyd edilib.

ABŞ-nin Somalidəki səfirliyi Amerika vətəndaşlarına xatırladıb ki, terrorçular Somalidə adam oğurluğu, partlayışlar və digər hücumlar təşkil etmək planlarını davam etdirirlər.