Britaniya və ABŞ dondurulmuş Rusiya aktivlərinin Ukraynaya verilməsində irəliləyiş əldə edib

Böyük Britaniya və ABŞ Rusiyanın dondurulmuş aktivlərinin Ukraynaya köçürülməsi ilə bağlı irəliləyiş əldə edib və tərəflər öz təkliflərini iyunda keçiriləcək Yeddilik Qrupunun (G7) sammitində təqdim edəcəklər. 

"Operativ Media" xəbər verir ki, bu barədə Böyük Britaniyanın xarici işlər naziri Devid Kemeron bildirib.

"Biz bilirik ki, Ukraynanın dondurulmuş Rusiyanın aktivləri şəklində pula ehtiyacı var. Biz razılaşdırılmış əsasda bu vəsaitlərə necə çıxış əldə etmək məsələsində əhəmiyyətli irəliləyiş əldə etmişik, məncə, G7-də təklif edə bilərik", - o, Vaşinqtonda ABŞ dövlət katibi Antoni Blinkenlə birgə mətbuat konfransında bildirib.