Bayden Rusiyaya qarşı sanksiyaları bir il müddətinə uzadıb

ABŞ prezidenti Co Bayden Rusiya Federasiyasına qarşı əvvəllər Rusiya hakimiyyətinin zərərli fəaliyyəti, xüsusən də Amerikanın seçki proseslərinə müdaxiləsi səbəbi ilə və xüsusi hərbi əməliyyata başlayandan sonra tətbiq edilmiş sanksiyaları bir il müddətinə uzadıb. 

"Operativ Media" xəbər verir ki, bu barədə Ağ Evin yaydığı sənədlərdə deyilir.

Açıqlanan sənədlərə əsasən, zərərli fəaliyyət kimi qəbul edilən azad və demokratik seçkilərə mane olmaq və Birləşmiş Ştatlarda və onun müttəfiqlərində və tərəfdaşlarında demokratik təsisatlara zərbə vurmaq, habelə Birləşmiş Ştatlara qarşı yönəlmiş zərərli kiber-aktiv fəaliyyətlərlə məşğul olmaq səbəbindən Rusiyaya qarşı sanksiyaların davam etdirilməsinə qərar verilib. Bundan əlavə, Vaşinqton administrasiyası iddia edir ki, Rusiya dövlətlərin ərazi bütövlüyü də daxil olmaqla, beynəlxalq hüququn  prinsiplərini pozub.