KİV: Bayden İsveçrədə Ukrayna ilə bağlı konfransda iştirak edə bilər

ABŞ prezidenti Co Bayden Kiyevin xahişi ilə İsveçrənin təşkil etməyə razılıq verdiyi Ukrayna üzrə yüksək səviyyəli konfransda iştirak etməyi planlaşdırır. 

"Operativ Media" xəbər verir ki, bu barədə İsveçrənin "Neue Zürcher Zeitung" qəzeti mənbələrinə istinadən məlumat yayıb.

Onlar aydınlaşdırıblar ki, İsveçrə və Ukrayna hələlik görüşə dəvət göndərməyib.

Öz növbəsində ABŞ-nin Berndəki səfirliyinin sözçüsü qəzetə bildirib ki, Bayden nümayəndə heyətində iştirakını təsdiq etməyib.

Daha əvvəl İsveçrə hakimiyyəti aprelin ortalarına qədər konfransın tarixi və yeri barədə qərar vermək niyyətində olduqlarını bildirmişdi.