2024-cü il iyunun 1-dən Gürcüstanda əcnəbilər üçün həyat və sağlamlıq sığortası icbari olacaq.

"Operativ Media" Gürcüstan KİV-ə istinadən xəbər verir ki, bununla da turistə lazımi tibbi yardımın göstərilməsi və bədbəxt hadisələrdən sığorta təmin ediləcək.

10 günlük sığortanın qiymətləri 15-20 AZN arasında dəyişir.

Qiymətlər həm də yaşa görə fərqli ola bilər. (Uşaqlar üçün daha ucuzdur).

Qeyd edək ki, sığorta etdirməyən şəxs 200 AZN  məbləğində cərimə olunacaq.

Qanun ötən ilin sonunda Gürcüstan parlamenti tərəfindən qəbul edilib.