Ərdoğan: İsrail münaqişəni bütün regiona yaymaq üçün təxribatlarla məşğuldur

İsrail müxtəlif təxribatlarla Yaxın Şərq münaqişəsinin coğrafiyasını bütün regiona genişləndirməyə çalışır.

"Operativ Media" xəbər verir ki, bunu Türkiyə prezidenti Rəcəb Tayyib Ərdoğan bildirib.

"Ötən həftənin sonunda baş verənlər (İranın İsrailə qarşı əməliyyatı) Qərbin ikili standartlarının nəticəsidir və eyni zamanda İsrailin regionda daha genişmiqyaslı müharibə ehtimalının o qədər də uzaq olmadığını göstərdi. İsrail münaqişəni bütün regiona yaymaq üçün təxribatlara əl atır", - deyə o, Nazirlər Kabinetinin iclasından sonra yerli televiziyalardan birinə deyib.