Britaniya şahzadəsi Uilyam bu həftə krallıq vəzifələrinə qayıdacaq

Böyük Britaniya şahzadəsi Uilyam həyat yoldaşı Uels şahzadəsi Keytin xərçəng xəstəliyindən müalicə aldığını elan etməsindən bir ay sonra cümə axşamı günü rəsmi kral vəzifələrinə qayıdacaq.

"Operativ Media" xəbər verir ki, bu barədə Kensinqton sarayından açıqlama verilib.

Açıqlamaya görə, Britaniya taxt-tacının varisi Londonun qərbinə və Surrey bölgəsinə gedərək bölgədəki ictimai və ətraf mühit təşkilatlarının işlərindən danışacaq.  

Keytin xəstəliyi ilə bağlı video mesajından sonra cütlük illik kral tədbirlərindən birinə, "Windsor"dakı Pasxa bazar günü xidmətinə qatılmayıb.