İranın hücumunu dəf etmək İsrailə bir milyard dollara başa gəlib

İranın hücumunu dəf etmək İsrailə 1 milyard dollardan çox israf edilmiş materiallara başa gəlib.

"Operativ Media" xəbər verir ki, bu barədə "Financial Times" keçmiş İsrail hərbi rəsmisinə istinadən yazır.

Qeyd edək ki, İran Silahlı Qüvvələrinin elit bölməsi İslam İnqilabı Keşikçiləri Korpusu aprelin 14-nə keçən gecə İsrail təyyarələri tərəfindən İranın Suriyadakı konsulluğunun ayın əvvəlində məhv edilməsinə cavab olaraq İsrail ərazisinə zərbələr endirib. Müxtəlif mənbələrə görə hücumda bir neçə yüz raket və pilotsuz uçuş aparatı, o cümlədən Şahed kamikadze pilotsuz uçan aparatlar, Fəttah və Fəttah-2 hipersəs raketləri iştirak edib.