İndoneziyada fövqəladə vəziyyət elan edilib

İndoneziyanın şimalında Ruanq vulkanının püskürməsi səbəbilə aprelin 29-dək fövqəladə vəziyyət elan edilib.

"Operativ Media" xəbər verir ki, bu barədə İndoneziya Milli Fəlakət Mərkəzinin (BPBD) sözçüsü Əbdül Muhari məlumat verib.

O bildirib ki, partlayışdan sonra ətrafa yayılan kül ətrafdakı rabitə şəbəkələrinə ziyan vurub.

Vulkan püskürməsi ilə əlaqədar bölgədən 828 nəfərin təxliyə edilib.

Vulkanın xəbərdarlıq səviyyəsinin 3-ə yüksəldildiyi barədə məlumatı paylaşan Muhari sakinlərə və turistlərə diqqətli olmalarını və vulkanın ətrafındakı 4 kilometrlik əraziyə girməməyi tövsiyə edib.