“Müttəfiqlərimizin hər cür təklif və tövsiyələri var, mən bunu yüksək qiymətləndirirəm. Lakin mən açıq şəkildə bildirmək istəyirəm ki, biz öz qərarlarımızı verəcəyik və İsrail dövləti özünü qorumaq üçün lazım olan hər şeyi edəcək”.

"Operativ Media" xəbər verir ki, bunu İsrailin baş naziri Benyamin Netanyahu deyib.

O, İranla bağlı problemin həllinə verdikləri töhfələrə görə  Almaniya və Böyük Britaniyanın xarici işlər nazirlərinə təşəkkür edib.

Qeyd edək ki, Böyük Britaniyanın xarici işlər naziri Devid Kemeron və onun almaniyalı həmkarı Annalena Baerbok İsraildə olub və İranın hərəkətlərinə qarşı təmkinli olmağa çağırıblar.