Hizbullah İsrailin şimalında 10 kəndə raket zərbələri endirib

Hizbullah partiyasının silahlı qüvvələri günorta saatlarında İsrail ordusunun Yuxarı Qalileydəki 10 yaşayış məntəqəsindəki mövqelərinə raket zərbələri endirib.

"Operativ Media" xəbər verir ki, bu barədə "Al Mayadeen" telekanalı məlumat yayıb. 

Məlumata görə, Adamit, Goren, Gornot HaGalil, Zarit, Yiron, Hanita, Shomera, Even Menachem, Eilon və Yaara yaşayış məntəqələrində hava hücumu sirenləri səslənib. Hərbi obyektlərin atəşə tutulmasının nəticələri barədə təfərrüatlar və qurbanlar barədə məlumat verilmir.

Hizbullahın hərbi informasiya xidmətinin "Telegram" kanalında yerləşdirilmiş bəyanatında deyilir ki, döyüşçülər bu əməliyyatı "İsrailin dinc əhaliyə təsir edən cənub kəndlərinə təcavüzkar hücumlarına cavab olaraq" həyata keçiriblər.

İsrail komandanlığı hadisə ilə bağlı hələlik açıqlama verməyib.