“WhatsApp”ın qadağan olunduğu ölkələrdə on milyonlarla insan tətbiqə gizli şəkildə daxil olub

“WhatsApp”ın qadağan olunduğu ölkələrdə on milyonlarla insan müvəqqəti texniki həllərlə tətbiqə gizli şəkildə daxil olub.

"Operartiv Media" xəbər verir ki, bunu “WhatsApp”ın idarəçilərindən Vill Cathcart bildirib.

Bir çox Qərb mobil tətbiqləri kimi "WhatsApp" İran, Şimali Koreya və Suriyada qadağan edilib. Ötən ay bu siyahıya Çin də əlavə edilib. Qətər, Misir, İordaniya və Birləşmiş Ərəb Əmirlikləri kimi digər ölkələr proqramda səsli zəng kimi bəzi funksiyaları məhdudlaşdırır.

Bununla belə, "WhatsApp" qeydiyyatan keçmiş telefon nömrələri sayəsində istifadəçilərinin real yerini görə bilir.

Vill Cathcart deyib ki, "WhatsApp"dan istifadə edən insanlar haqqında çoxlu sistemsiz məlumatlarımız var. Bloklandığımız bəzi ölkələrə nəzər saldıqda on milyonlarla insanın hələ də WhatsApp"a qoşulduğunu görürük.

Bundan əlavə, Çin "Apple"dan çinli istifadəçilər üçün mobil proqramlar mağazasından "WhatsApp"ın yükləməsini bloklamağı xahiş etmişdi. Cathcart bildirib ki, ölkə heç vaxt populyar mesajlaşma proqramının əsas bazarlarından biri olmayıb. Cathcart qeyd edib ki, VPN-lərin artması və keçən iyun ayında istifadəyə verilmiş "WhatsApp Proksi" xidməti proqrama davamlı girişi təmin edib.