Koreya Respublikasının hərbi rəhbərliyi iyun ayından başlayaraq Çunçonqnamdo əyalətindəki Ordu, Hərbi Dəniz Qüvvələri və Hərbi Hava Qüvvələri qərargahında "iPhone" smartfonlarının istifadəsini məhdudlaşdırmağı planlaşdırır, lakin qadağa brendin özü ilə bağlı deyil.

"Operativ Media" xəbər verir ki, bu barədə Koreya Respublikasının Müdafiə Nazirliyindən məlumat verilib.

"Düzdür, hərbi qərargah iyun ayından "iPhone" smartfonlarının istifadəsini qadağan etməyi planlaşdırır. Təhlükəsizlik tədbirlərinin gücləndirilməsinə bütün səviyyələrdə komandirlərin mülahizəsinə əsasən icazə verilir. Milli Müdafiə Nazirliyi heç bir smartfon markasına qadağa qoymayıb, lakin gələcəkdə təhlükəsizliyin yaxşılaşdırılması yollarını nəzərdən keçirməyə davam edəcək", - nazirlik bildirib.

Məlumata görə, bu qadağa "Android" sistemli smartfonlara, o cümlədən Cənubi Koreyanın “Samsung” şirkətinin smartfonlarına şamil edilmir, çünki bu telefonlar təhlükəsizlik məqsədi ilə Cənubi Koreya ordusu üçün hazırlanmış xüsusi proqramın quraşdırılmasına imkan verir. Digər şeylər arasında, o, kamera və mikrofondan istifadəni məhdudlaşdırır və telefonu hərbi qurğulara gətirməzdən əvvəl quraşdırmanı tələb edir.