İran: İsrail “qırmızı xətti” keçdiyinə görə cavab verəcək

İran xarici işlər nazirinin müavini Əli Baqiri ilə Pakistanın xarici işlər naziri arasında telefon danışığı olub.
“Operativ Media” xarici KİV-ə istinadən xəbər verir ki, İran Xarici İşlər Nazirliyinin məlumatına görə,  Əli Baqiri İsrailə “sərt cavab” verəcəyi ilə bağlı xəbərdarlıq edib.
Xarici işlər nazirinin müavini bildirib ki, İsrail HƏMAS hərəkatının Fələstin siyasi bürosunun rəhbəri İsmayıl Haniyəni Tehranda öldürməklə İranın "qırmızı xəttini” keçib.
İranlı diplomat islam ölkələrini İsrailin təcavüzkar hərəkətlərinin genişlənməsinə qarşı çıxmağa çağırıb.