İran və Tacikistan arasında vizasız rejim tətbiq ediləcək

Avqustun 10-dan  Tacikistan və İran arasında xarici pasport sahibləri üçün vizasız rejim tətbiq ediləcək.

"Operativ Media" xəbər verir ki, bu barədə Tacikistan Xarici İşlər Nazirliyi məlumat yayıb.

“2024-cü il avqustun 10-dan Tacikistan Respublikası və İran İslam Respublikası hökumətləri arasında ümumi xarici pasport sahibləri üçün vizaların ləğvi haqqında Anlaşma Memorandumu qüvvəyə minəcək”, - deyə Tacikistan Xarici İşlər Nazirliyinin məlumatda bildirilib.

Sənədə əsasən, iki ölkənin ümumi xarici pasport sahibləri 30 gün vizasız səfər etmək hüququna malikdirlər.