Vyetnamın bəzi şimal əyalətlərində "Yagi" tayfunundan sonra baş verən güclü daşqınlar nəticəsində azı 127 nəfər ölüb, 50-dən çox insan itkin düşüb.

"Operativ Media" xəbər verir ki, bu barədə “VnExpress” xəbər portalı məlumat yayıb.

Şimal bölgəsinin yaşayış məntəqələrində 127 nəfər ölüb, 54 nəfər itkin düşüb. Təbii fəlakət nəticəsində müxtəlif xəsarət alanların sayı, son məlumatlara görə, 750 nəfəri ötüb.

Fövqəladə hallar xidmətləri Vyetnamın şimal bölgəsində təbii fəlakət nəticəsində xeyli maddi ziyan vurduğunu bildirir.

Müdafiə və ictimai təhlükəsizlik nazirliklərinin funksional bölmələrinə təbii fəlakətdən zərər çəkmiş yaşayış məntəqələri ilə ərzaq, təmiz su və ilkin tələbat mallarının təcili çatdırılması üçün tədbirləri əlaqələndirmək tapşırılıb.