ABŞ Ukraynanın enerji sisteminin təmirinə 325 milyon dollar ayıracaq

Birləşmiş Ştatlar Ukraynaya enerjinin bərpası, humanitar yardım və minalardan təmizlənməsi üçün 700 milyon dollardan çox maliyyə ayırır.

"Operativ Media" xəbər verirki, bu barədə ABŞ-ın dövlət katibi Entoni Blinken Kiyevdə Böyük Britaniya və Ukraynanın xarici işlər nazirləri Devid Lammi və Andrey Sibiqa ilə birgə mətbuat konfransında deyib.

“Bu gün biz Ukraynanın enerji və elektrik şəbəkəsinin bərpasına kömək etmək üçün 325 milyon dollar yeni maliyyə ayırırıq. Mən həmçinin Ukraynada milyonlarla insanı içməli su, qida, sığınacaq və dərmanla təmin etmək üçün 290 milyon dollarlıq yeni humanitar yardım elan edirəm. Və nəhayət, biz humanitar minatəmizləmə üçün 102 milyon dollar əlavə maliyyə ayırırıq”, o bildirib.