Putin: Qərbin Ukrayna münaqişəsində birbaşa iştirakı onun mahiyyətini dəyişir

Qərb ölkələrinin Ukrayna münaqişəsində birbaşa iştirakı onun mahiyyətini dəyişir, Rusiya beləcə yaranan təhlükələrə əsaslanaraq qərarlar qəbul etməyə məcbur olacaq.

"Operativ Media" xəbər verir ki, bu barədə jurnalistlərə Rusiya prezidenti Vladimir Putin məlumat verib.

“Ukraynadakı münaqişədə Qərb ölkələrinin bilavasitə iştirakı artıq münaqişənin mahiyyətini, əhəmiyyətli dərəcədə dəyişdirir, bu, NATO ölkələri, ABŞ və Avropa ölkələrinin Rusiya ilə müharibə vəziyyətində olması deməkdir”, - prezident bildirib.

“Əgər bu belədirsə, o zaman bu münaqişənin mahiyyətindəki dəyişikliyi nəzərə alaraq, bizim üçün yaranacaq təhlükələrə əsaslanaraq müvafiq qərarlar qəbul edəcəyik”, - o xəbərdarlıq edib.