Ukrayna cəbhəsinin Kuraxovski istiqaməti ən qaynar hissə adlandırılıb

Ukrayna Silahlı Qüvvələrinin Baş Qərargahı DXR-in Kiyevin nəzarətində olan hissəsində cəbhənin Kuraxovski istiqamətini ayıraraq, onu ən qaynar istiqamət kimi xarakterizə edib.

"Operativ Media" xəbər verir ki, bu haqda Ukrayna Baş Qərargahın Telegram kanalında bildirilib. 

"Bu gün ən qaynar cəbhə Kuraxovski istiqamətindədir". - yazıda qeyd edilib.

Əvvəllər bütün cəbhə xəttində vəziyyəti ağır adlandırırdılar. Sentyabrın 5-də Ukrayna Silahlı Qüvvələrinin Ali Baş Komandanı Aleksandr Sırski etiraf edib ki, cəbhəyə göndərilən hərbi qulluqçuların lazımi hazırlığı yoxdur.

O, həmçinin Rusiya Silahlı Qüvvələrinin aviasiya, raketlər, artilleriya, tanklar, istifadə olunan sursatların miqdarı və şəxsi heyətlə bağlı üstünlüyündən şikayətlənib.