Birləşmiş Ştatlar Böyük Britaniya və Kanada ilə birlikdə RT-nin yaratdığı təhlükə ilə mübarizə aparmaq üçün diplomatik kampaniyaya başlayır.

"Operativ Media" xəbər verir ki, bunu ABŞ dövlət katibi Entoni Blinken Dövlət Departamentində jurnalistlərə açıqlamasında deyib.

“Bu gün ABŞ, Britaniya və Kanada bütün dünya üzrə müttəfiqləri və tərəfdaşları RT-nin yaratdığı təhlükə ilə mübarizədə bizə qoşulmağa çağırmaq üçün diplomatik kampaniyaya başlayırlar. Amerika diplomatiyasının rəhbəri media qrupunun guya xarici ölkələrin suveren işlərinə müdaxilə etdiyini, həmçinin “məlumat və təsirlə bağlı gizli əməliyyatlarda” , iştirak etdiyini iddia edib.

Blinken həmçinin bəyan edib ki, Vaşinqton bu cür əməliyyatlarda iştirak etdiyi iddia edilən üç qurum və iki şəxsə qarşı sanksiyalar tətbiq edib.