Gürcüstan sanksiyaların qəbul ediləcəyi təqdirdə ABŞ-a münasibətinə yenidən baxa biləcəyini bildirib

Gürcüstan əvvəllər tətbiq edilən sanksiyalara bənzər başqa bir qərar qəbul edərsə, ABŞ-a qarşı mövqeyinə əhəmiyyətli dərəcədə yenidən baxa bilər.

"Operativ Media" xəbər verir ki, bunu Gürcüstanın baş naziri İrakli Kobaxidze ABŞ-ın Gürcüstandakı səfiri Robin Dunniqanla görüşündə deyib.

"Qeyd edilib ki, bu qərar Amerika tərəfini kritik nöqtəyə yaxınlaşdırıb və bu, başqa bir oxşar qərar qəbul edilərsə, Gürcüstanın gürcü-amerikan münasibətlərinə dair mövqeyinə əhəmiyyətli dərəcədə yenidən baxılmasına səbəb ola bilər".

Sentyabrın 16-da Dövlət Departamenti insan haqlarının pozulmasında iştirak etdiyi iddia edilən 4 Gürcüstan vətəndaşına qarşı sanksiya tətbiq edilməsi qərarını açıqlayıb.

Sənəddən məlum olduğu kimi, Daxili İşlər Nazirliyinin Xüsusi Təyinatlar İdarəsinin rəisi Zviad Xarazişvili, onun müavini və “insan hüquqlarının ciddi şəkildə pozulmasında” əli olduğu iddia edilən iki “ekstremist qrupun lideri” sanksiya siyahısına daxil edilib.

Bundan əlavə, Birləşmiş Ştatlar “yüksək vəzifəli məmurlar, sahibkarlar, hüquq-mühafizə orqanlarının əməkdaşları və qanunvericilər” də daxil olmaqla “60-dan çox Gürcüstan vətəndaşı” üçün viza məhdudiyyətləri tətbiq edir.