Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Akkreditasiya Mərkəzi tərəfindən bu ilin yanvar-iyul ayları ərzində uyğunluğu qiymətləndirən 32 qurum akkreditasiya edilib.

Dövlət Xidmətindən "Operativ Media"ya bildirilib ki, uyğunluğun qiymətləndirilməsi sahəsində akkreditasiya bu xidmətləri təklif edən qurumların akkreditasiya tələblərinə cavab verməsinin şəffaf və qərəzsiz qiymətləndirilməsidir və texniki səriştəliliyi təsdiq edir.