Dağıstanda yanacaqdoldurma məntəqəsində baş verən partlayış nəticəsində ölənlərin sayı 10 nəfərə çatıb - YENİLƏNİB

Dağıstanda yanacaqdoldurma məntəqəsində baş verən partlayış nəticəsində ölənlərin sayı 10 nəfərə çatıb.

"Operativ Media" xəbər verir ki, Rusiya Fövqəladə Hallar Nazirliyinin mətbuat xidmətindən TASS-a verilən məlumata görə, daha 5 nəfər həlak olub.

"Dağıstanda qurbanların sayı 15-ə çatıb. Onlardan biri uşaq olmaqla, beşi ölüb", - məlumatda deyilir.

20:43

Dağıstanda yanacaqdoldurma məntəqəsində baş verən partlayış nəticəsində enerji obyektləri zədələnib.

"Operativ Media" xəbər verir ki, Dağıstanın Mahaçqala ətrafında yanacaqdoldurma məntəqəsində baş verən partlayış nəticəsində enerji obyektlərinə ziyan dəyib.

Yaxın ərazilərdə elektrik enerjisi təchizatı dayandırılıb.

“Mahaçqala şəhəri yaxınlığındakı yanacaqdoldurma məntəqəsində baş vermiş partlayış nəticəsində elektrik qurğularına ziyan dəyib, bu da yaxınlıqdakı ərazilərin enerji təchizatını qismən dayandırıb”, - məlumatda deyilir.

Bildirilib ki, yanacaqdoldurma məntəqəsində biri uşaq olmaqla 5 nəfər ölüb. Hadisə yerində 119 mütəxəssis və 27 texnika işləyir.

20:25

Mahaçqala şəhəri yaxınlığında, Karabudaxkənd rayonundakı yanacaqdoldurma məntəqəsində partlayış zamanı 4 nəfər ölüb.

"Operativ Media" xəbər verir ki, bu barədə Şəhər meriyası TASS-a bildirib.

19:25

Mahaçqalada yanacaqdoldurma məntəqəsində partlayış baş verib.

"Operativ Media" xəbər verir ki, bu barədə TASS məlumat verib.

Şəhər meriyası partlayış nəticəsində ölən və yaralıların olduğunu açıqlayıb.

Dağıstanın səhiyyə nazirinin sözlərinə görə, partlayış zamanı 3 nəfər ölüb.