Azərbaycan XİN Bosniya və Herseqovinaya başsağlığı verib.

"Operativ Media" xəbər verir ki, bu barədə Azərbaycan XİN "X" sosial platformasında paylaşım edib.

"Bosniya Və Herseqovinanın Jablanica şəhərində torpaq sürüşmələri və daşqınların törətdiyi və çoxlu sayda insanın ölümü, yaralanması və itkin düşməsinə səbəb olan dəhşətli dağıntılar xəbəri bizi dərindən kədərləndirir. 

Qurbanların yaxınlarına başsağlığı verir, yaralananların tezliklə sağalacağına ümid edir, Bosniya və Herseqovina ilə həmrəy olduğumuzu bildiririk." - paylaşımda qeyd edilib.