İsrail livanlı mülki vətəndaşları Livanın cənubundakı çimərliklərdən uzaq durmağa çağırıb

İsrail Hizbullaha qarşı hücumlarını davam etdirdiyi üçün İsrail ordusu Livan vətəndaşlarını dənizə girməmək və ya Livanın cənubunda çimərlikdə olmaqdan çəkindirir.

"Operativ Media" xəbər verir ki, IDF-nin sözçüsü Aviçay Adraee, tətildə olan insanlara, çimərliklərə gedənlərə və Sidonun şimalında yerləşən Avali çayından cənuba doğru qayıqlardan balıq tutmaq və ya başqa məqsədlər üçün istifadə edən hər kəsə təcili xəbərdarlıq edib.

Onun sözlərinə görə, İsrail Hərbi Dəniz Qüvvələri tezliklə bu ərazidə Hizbullaha qarşı əməliyyatlara başlayacaq.