Leyla Əliyevanın dəstəyi ilə “Bayatı şiraz”ın treki hazırlanıb

Mədəniyyət Nazirliyindən "Operativ Media"ya verilən məlumata görə, prodüser və DJ Burak Yeter “Bayatı şiraz” adlı yeni trek hazırlayıb.

Elektron musiqi janrında yeni əsərin bütün platformalarda distribusiyası ilə “Yaradıcı Studio” məşğul olacaq.

Prodüser Anar Reybandın fikrincə, “Yaradıcı Studio" ilə birgə ərsəyə gətirilən bu mahnı gənclər üçün hədiyyədir, eyni zamanda dinamik musiqi həvəskarlarını daha da ruhlandıracaq.

Gənc xanəndə Kənan Bayramovun ifasında olan bu trek bir çox musiqi platformalarında yayımlanacaq.