Türkiyədə çökən binanın dağıntıları altından daha bir nəfərin cəsədi tapılıb - YENİLƏNİB 2 - FOTO

Türkiyənin Konya vilayətinin Səlçuklu rayonunda çökən dördmərtəbəli binanın dağıntıları altından daha bir nəfərin cəsədi tapılıb.

“Operativ Media” Türkiyə mediasına istinadən xəbər verir ki, bununla da hadisə nəticəsində ölənlərin sayı iki nəfərə çatıb.

Daha öncə dağıntılar altından üç nəfər sağ xilas edilib, bir nəfərin isə cəsədi tapılıb.

****

Türkiyənin Konya vilayətinin Səlçuklu rayonunda çökən dördmərtəbəli binanın dağıntıları altından bir nəfərin cəsədi tapılıb.

“Operativ Media” xəbər verir ki, bu barədə "Haber Global" məlumat yayıb.

Məlumata görə, daha öncə dağıntılar altından üç nəfər sağ xilas edilib.

Konya Baş Prokurorluğundan verilən açıqlamada bildirilib ki, yaşayış binasının uçmasında təqsirli bilinən 4 nəfər saxlanılıb.

Qeyd edək ki, hadisə yanvarın 24-də baş verib. Binanın çökməsinin səbəbi məlum deyil. Hadisə yerinə xilasedicilər, polis və təcili tibbi yardım əməkdaşları cəlb olunub.

***

Türkiyənin Konya şəhərində yaşayış binasının uçmasında günahkar bilinən 4 nəfər saxlanılıb.

“Operativ Media” xəbər verir ki, bu barədə “TRT Haber” Konya prokurorluğuna istinadən məlumat yayıb.

"Konya vilayətinin Səlçuqlu rayonunda dördmərtəbəli binanın (onlardan 3-ü yaşayış) uçmasında təqsirli bilinən 4 şübhəli şəxs saxlanılıb. Hadisə yerində ətraflı araşdırmalar davam edir", - bəyanatda bildirilib.

Dağıntılar altında qalan 5 nəfərdən 3-ü sağ xilas edilib, digər 2 nəfərin xilas edilməsi üçün axtarış-xilasetmə işləri davam edir.

***

Türkiyənin Konya şəhərində 3 mərtəbəli bina çöküb.

"Operativ Media" xəbər verir ki, ilkin məlumata görə, dağıntılar altında qalanlar var.

Hadisə yerinə polis və təcili tibbi yardım briqadaları cəlb olunub.

Faktla bağlı araşdırma aparılır.