Venesuelada iğtişaşlarda saxlanılan 2000-ə yaxın şəxs azad edilib

Venesuelada 2024-cü il prezident seçkilərindən sonra iğtişaşlarda iştirak etdiklərinə görə saxlanılmış 1896 nəfər azad edilib.

"Operativ Media" xəbər verir ki, Bolivar Respublikasının Baş Prokurorluğu bu barədə açıqlama yayıb.

 

Bildirilib ki, 2025-ci il yanvarın 16-dan 24-dək, əvvəllər baxılmış işlərə əlavə olaraq, 381 məhbusun işinə sorğu verilib və baxılıb.

Bu, Konstitusiyada təsbit olunmuş prinsiplərə və hüquqlara ciddi riayət etməklə azadlığa buraxılanların sayını 1896-ya çatdırıb.