Bakıda saxlanılan rusiyalı hakim ölkəsinə təhvil veriləcək

Bakı hava limanında saxlanılan Rusiyanın Krasnodar vilayətinin keçmiş hakimi Yelena Xaxaleva məhkəmədən sonra ölkəsinə təhvil veriləcək.

"Operativ Media" xəbər verir ki, bu barədə Azərbaycanın hüquq-mühafizə orqanlarından RİA-ya bildlirilib.

Qeyd edək ki, Xaxaleva Bakıdan Dubaya uçmaq istəyərkən saxlanılıb. 

Rusiyada 17 may 2022-ci ildə Xaxalevaya qarşı dələduzluq və saxtakarlıq maddələri ilə cinayət işi açılıb. İstintaq Komitəsi hakimi 1 milyon rubl mənimsəməkdə şübhəli bilib. İyunun 10-da Xaxaleva qiyabi həbs edilib və beynəlxalq axtarışa verilib.