Qazaxıstan atom elektrik stansiyalarının tikintisi ilə bağlı müqavilələr bağlayacaq

Qazaxıstan tezliklə respublikanın birinci Atom Elektrik Stansiyasının (AES) tikintisinə dair sazişlər bağlayacaq və ikinci və üçüncü stansiyaların tikintisi üçün yerləri müəyyən edəcək.

Operativ Media Kazinoform-a istinadən xəbər verir ki, bunu Qazaxıstanın Baş naziri Oljas Bektenov bildirib.

“Yaxın vaxtlarda biz Almatı vilayətində birinci AES-in tikintisi ilə bağlı lazımi razılaşmaları bağlayacağıq, həmçinin ikinci və üçüncü AES-in tikintisi üçün mümkün yerləri müəyyən etmək üçün regionların təhlili tamamlanır", - məılumatda deyilir.

Qeyd edək ki, Qazaxıstanda 2024-cü il oktyabrın 6-da ölkənin ilk atom elektrik stansiyasının tikintisi ilə bağlı respublika referendumu keçirilib. Respublika Mərkəzi Seçki Komissiyasının məlumatına görə, layihəni seçicilərin 71,12 faizi dəstəkləyib.