Sabah Azərbaycan, Türkiyə və Özbəkistan arasında üçtərəfli görüş keçiriləcək

Türkiyə, Azərbaycan və Özbəkistan arasında ikinci üçtərəfli mexanizm görüşü 29 yanvar 2025-ci ildə Ankarada keçiriləcək.

Operativ Media xəbər verir ki, bu barədə Türkiyə XİN məlumat yayıb.

İclasda üç ölkənin xarici işlər nazirləri, eləcə də ticarət, iqtisadiyyat və nəqliyyat nazirləri iştirak edəcək. 

İclasın gündəliyinə xarici siyasət məsələləri və regional əməkdaşlıq, ticarət, iqtisadiyyat və investisiya sahələrində əməkdaşlığın artırılması, regional nəqliyyat şəbəkələrinin inkişafı və nəqliyyat, kommunikasiya sektorlarında əməkdaşlığın gücləndirilməsi daxildir.

Üçtərəfli görüşün sonunda Ankara Bəyannaməsinin imzalanacağı və Bəyannaməyə əlavə edilən Fəaliyyət Planının üç ölkənin gələcəkdə izləyəcəyi konkret yol xəritəsini müəyyən edəcəyi gözlənilir.

Qeyd edək ki, bu formatda görüşlərdən birincisi 2022-ci il avqustun 2-də Özbəkistanın paytaxtı Daşkənddə keçirilib.