Əfqanıstanda İrandan deportasiya edilən miqrantları daşıyan avtobus qəzaya uğrayıb.
Operativ Media xəbər verir ki, qəzadan sonra avtobus yanıb, 71 nəfər həlak olub.
Əfqanıstanın İranla sərhəddə yerləşən Herat vilayətinin Mədəniyyət və İnformasiya İdarəsinin müdiri Əhmədullah Muttaki “X” sosial media platformasında qəza ilə bağlı açıqlama verib.
Muttakinin sözlərinə görə, İrandan deportasiya edilən miqrantları daşıyan avtobus motosiklet və yük maşını ilə toqquşub.
Bununla yanaşı, "TOLOnews"a açıqlama verən və adının açıqlanmasını istəməyən rəsmi şəxslər bildiriblər ki, toqquşma nəticəsində avtobus alovlanıb və onlarla insan həyatını itirib.
Qəza zamanı ölənlərin dəqiq sayı ilə bağlı hələlik rəsmi məlumat açıqlanmayıb.
