Qırğızıstanın su ehtiyatları, kənd təsərrüfatı və emal sənayesi nazirinin müavini korrupsiyada şübhəli bilinərək respublikanın xüsusi xidmət orqanları tərəfindən saxlanılıb.
Operativ Media xəbər verir ki, bu barədə ölkənin Milli Təhlükəsizlik üzrə Dövlət Komitəsi (MTK) məlumat yayıb.
"Nazir müavini və nazirliyin Baytarlıq Xidmətinin direktoru kənd təsərrüfatı heyvanlarının ixracına kvotaların verilməsində korrupsiya sxemi təşkil etdiklərinə görə saxlanılıb", - məlumatda deyilir.
Şübhəlilərin adları istintaqın maraqları baxımından açıqlanmır.
