Litvada NATO-nun səkkiz ölkəsindən təxminən 3000 hərbçinin iştirak etdiyi "Geležinis Vilkas" (Dəmir Qurd) adlı iri beynəlxalq təlim keçirilir.

Operativ Media xəbər verir ki, bu barədə Baltikyanı respublikanın ordu komandanlığı məlumat yayıb.

Oktyabrın 18-dək davam edəcək manevrlərə ev sahibi ölkə Litva, həmçinin Belçika, Almaniya, Lüksemburq, Hollandiya, Norveç, Çexiya və Xorvatiyadan təxminən 3000 hərbçidən ibarət bölmələr cəlb olunub. Tanklar, piyadaların döyüş maşınları, artilleriya qurğuları və zirehli personal daşıyıcıları da daxil olmaqla 650-yə yaxın texnika iştirak edir.


Şəfa Hüseynli