Roma Papası XIV Leo ilk xaricə səfərini Türkiyə və Livana edəcək

Roma Papası XIV Leo ilk xarici səfərini Türkiyə və Livana edəcək.

Operativ Media xəbər verir ki, bu barədə Müqəddəs Taxt-Tacın Mətbuat Xidməti bunun noyabrın sonu və dekabrın əvvəlində baş tutacağını açıqlayıb.

“Ölkə rəhbərliyinin və kilsə rəhbərliyinin dəvətini qəbul edən Papa XIV Leo noyabrın 27-dən 30-dək Türkiyəyə səfər edəcək, Birinci Nikeya Şurasının 1700 illiyi münasibətilə İznikə həcc ziyarəti edəcək.

Daha sonra Livanın siyasi rəhbərliyinin və kilsə rəhbərliyinin dəvəti ilə  noyabrın 30-dan dekabrın 2-dək həmin ölkəyə səfər edəcək”, - deyə mətbuat xidmətinin rəhbəri Matteo Bruni bildirib.

Şəfa Hüseynli