Avropa Birliyi Ukraynaya dəstək üçün əlavə 100 milyon avro ayıracaq.

Operativ Media xəbər verir ki, bu barədə Aİ-nin xarici işlər üzrə ali nümayəndəsi Kaja Kallas məlumat verib.

O, Ukraynanın xarici işlər naziri Andriy Sibiqa ilə birgə keçirdiyi mətbuat konfransında Kiyevə əlavə dəstək planlarını açıqlayıb. O həmçinin anti-Rusiya sanksiyalarının effektivliyindən danışıb.

"Tətbiq olunan sanksiyalar Rusiyanı müharibə aparmaq üçün lazım olan yüz milyardlarla avrodan məhrum edib. Rusiyanın iqtisadiyyatı zəifləyib, inflyasiya isə 20%-i keçib", - o deyib.

Kallas əlavə edib ki, Ukrayna Silahlı Qüvvələrinin cəbhə xəttində əks-hücumları artıb.