Yerdə aşağı maqnit sahəsinin güclü zonası olan Cənubi Atlantika Anomaliyasının ölçüsü son illərdə əhəmiyyətli dərəcədə artmışdır.

Operativ Media xəbər verir ki, bu barədə Avropa Kosmik Agentliyinin (ESA) yeni tədqiqatında bildirilib.

Alimlərin məlumatına görə, 2014-cü ildən bəri anomaliyanın sahəsi təxminən Avropa qitəsinin yarısına bərabər əraziyə qədər genişlənib.

“Yer səthində Cənubi Atlantika üzərində yerləşən zəif maqnit sahəsi zonası 2014-cü ildən bu yana xeyli böyüyüb və artıq qitənin yarısına bərabər ərazini əhatə edir”, - deyə hesabatda qeyd olunub.

Mütəxəssislər hesab edirlər ki, bu dəyişiklik Afrikaya doğru istiqamətlənmiş qeyri-bərabər genişlənmə prosesi ilə bağlıdır.

ESA bildirir ki, Cənubi Atlantik anomaliyası təkcə kosmos tədqiqatçılarını deyil, həm də peyk rabitəsi və enerji şəbəkələrinin operatorlarını narahat edir. Bu zonada peyklər daha güclü radiasiyaya məruz qalır ki, bu da texniki nasazlıqlar və avadanlıqların sıradan çıxması riskini artırır.

Hesabatda həmçinin bəzi kosmik aparatlarda elektronikanın sıradan çıxması və bölgədə yerləşən enerji sistemləri üçün potensial təhlükələr barədə məlumatlar yer alıb.