Amerikalı aktyor Ceyms Rensone 46 yaşında vəfat edib

Kriminal dram və qorxu filmlərindəki rolları ilə tanınan amerikalı aktyor Ceyms Rensone 46 yaşında intihar edib.

Operativ Media xəbər verir ki, bu haqda "New York Post" qəzetinin Los-Anceles dairəsinin tibbi ekspertinə istinadən məlumat yayıb.

Məqalədə deyilir ki, "Onun 46 yaşı var idi... Ranson cümə günü Los-Ancelesdə intihar edib".

Qəzet qeyd edir ki, aktyor 2021-ci ildə uşaqlıqda müəllimi tərəfindən cinsi istismara məruz qaldığını və bunun onun ruhi sağlamlığına mənfi təsir göstərdiyini etiraf edib. Daha sonra o, 5 il narkotik asılılığından əziyyət çəkib, lakin bundan imtina edə bilib.