İlham Əliyev Birləşmiş Ərəb Əmirliklərinə səfərə gəlib - YENİLƏNİB

Azərbaycan Respublikasının Prezidenti İlham Əliyev fevralın 2-də Birləşmiş Ərəb Əmirliklərinə işgüzar səfərə gəlib.

Operativ Media xəbər verir ki, Əbu-Dabinin Zayed Beynəlxalq Aeroportunda dövlətimizin başçısının şərəfinə fəxri qarovul dəstəsi düzülmüşdü.

Prezident İlham Əliyevi Birləşmiş Ərəb Əmirliklərinin Prezidenti Şeyx Məhəmməd bin Zayed Al Nəhyan qarşıladı.

***

15:21

Birləşmiş Ərəb Əmirliklərinin paytaxtı Əbu-Dabi şəhərində Şeyx Zayed Fondunun 2026-cı il üçün “Zayed İnsan Qardaşlığı Mükafatı”nın təqdimetmə mərasimi keçiriləcək.

Operativ Media xəbər verir ki, mərasim 4 fevral 2026-cı il tarixində baş tutacaq.

Mərasimdə Azərbaycan Prezidenti İlham Əliyev və Ermənistan Baş naziri Nikol Paşinyanın da iştirakı gözlənilir.