Nihad Əhmədzadə: "Bizə inanmayanlar çox idi"

"Bizə inanmayanlar çox idi".

Bu sözləri Operativ Media-ya açıqlamasında Azərbaycanın U-21 millisinin üzvü Nihad Əhmədzadə Cəbəllütariq yığması üzərində qazanılan qələbədən sonra deyib.

​Gənc futbolçu komandasının tarixi uğurundan və qol vurduğu üçün keçirdiyi qürur hissindən danışıb:

"Əlbəttə ki, bu qol mənim üçün çox xüsusi olacaq. Çünki komanda olaraq layiqli qələbə qazandıq, matçın ilk qolunun müəllifi mən oldum. Layiqli mübarizə apardıq. Baş məşqçimizin tapşırıqlarını yerinə yetirməyə çalışdıq. U-21 tarixinin ən çox xal toplayan kollektivi olduq".

​O, həmçinin komandaya qarşı olan skeptik münasibətə toxunaraq bildirib: "Açığı, bizə inanmayanlar çox idi və daha aşağı xal yığmağımızı gözləyirdilər. Amma biz bunu sübut etdik və rekordu təzələdik. Çox xoşbəxtəm".

Qeyd edək ki, Rəşad Eyyubovun komandası Avropa çempionatının seçmə mərhələsinin B qrupunda 10 xal toplayaraq 5-ci olub.