Azərbaycan güləşçisi dünya çempionatında finala yüksəldi

Slovakiyanın paytaxtı Bratislavada güləş üzrə U20 dünya çempionatı keçirilir.

Operativ Media xəbər verir ki, Azərbaycanı 70 kiloqram çəki dərəcəsində təmsil edən sərbəst güləşçi Hacı Kərimov finala yüksəlib.

​Təmsilçimiz yarımfinal görüşündə misirli Mohamed Ahmed ilə üz-üzə gəlib və rəqibini 9:2 hesabıyla məğlub edib.

​Qızıl medal uğrunda qarşılaşma sabah baş tutacaq. Hacı Kərimov çempionluq uğrunda iranlı pəhləvan Sina Mehdi Xəlili ilə qüvvəsini sınayacaq.