"Yuventus"un türkiyəli futbolçusu Kənan Yıldız ciddi zədələndi

İtaliyanın "Yuventus" klubunun türkiyəli futbolçusu Kenan Yıldız A Seriyasının birinci turunda "Frozinone" ilə keçirilən matçda ciddi xəsarət alıb.

​Operativ Media xəbər verir ki, Turin təmsilçisinin heyətində çıxış edən 21 yaşlı yarımmüdafiəçidə sol ayaq daraq sümüyünün sınığı aşkarlanıb.

​Tibbi müayinənin nəticələrinə əsasən, idmançıya cərrahiyyə əməliyyatı tələb olunur və onun yaşıl meydanlardan təxminən üç ay uzaq qalacağı ehtimal edilir. Xatırladaq ki, matçın 69-cu dəqiqəsində əvəzlənən oyunçunun yerinə Jeremi Boqa daxil olmuşdu.

​Qeyd edək ki, 2025/2026 mövsümündə bütün turnirlərdə 47 matçda iştirak edən futbolçu 11 qol və 10 məhsuldar ötürmə ilə yadda qalıb. Onun klubla mövcud müqaviləsinin müddəti 2030-cu ilin iyun ayının sonunadək nəzərdə tutulub.