Marqarita Stepanenko: “Bütün Azərbaycan bizə inanır, qalib gəlməli idik”

Azərbaycanın qadın voleybolçulardan ibarət milli komandasının üzvü Marqarita Stepanenko yığmanın qazandığı növbəti qələbəni qiymətləndirib.

​Operativ Media xəbər verir ki, idmançı qazanılan nəticədən məmnunluğunu ifadə edərək oyunun hesabından asılı olmayaraq bu uğurun komanda üçün böyük əhəmiyyət daşıdığını bildirib.

​Onun sözlərinə görə, voleybol matçlarında gedişatın fərqli mərhələlərində enişlər və yüksəlişlər qaçılmazdır. Voleybolçu qarşılaşma ərzində hiss olunan fiziki yorğunluğa baxmayaraq, kollektivin birliyini qoruyub saxladığını və xarakter ortaya qoyduğunu vurğulayıb.

​Stepanenko doğma meydanda çıxış etməyin və yerli azarkeşlərin dəstəyinin məsuliyyətini qeyd edərək, bütün ölkənin inamını doğrultmağın vacibliyini diqqətə çatdırıb.