Formula 1 yarışları ilə bağlı viza prosedurları sadələşdirilib

2026-cı ildə Bakıda keçiriləcək Formula 1 yarışı ilə əlaqədar Azərbaycana gələcək əcnəbilər və vətəndaşlığı olmayan şəxslər üçün viza prosedurları sadələşdirilib.

Operativ Media xəbər verir ki, bununla bağlı Azərbaycan Respublikasının Prezidenti Sərəncam imzalayıb.

Sərəncama əsasən, müvafiq sənədlərdən birini təqdim edən şəxslər **avqustun 25-dən sentyabrın 30-dək** Azərbaycanın beynəlxalq hava limanlarında viza ala biləcəklər.

Viza verilməsi üçün əsas sayılan sənədlər:

- Formula 1-in beynəlxalq təşkilatçılarının (“Formula One Management Limited” və FIA) akkreditasiya kartı və ya təsdiqedici sənədi;

- Bakı Şəhər Halqası Əməliyyat Şirkətinin akkreditasiya kartı;

- Formula 1 yarışına bilet, elektron bilet və ya biletin əldə olunmasını təsdiq edən sənəd.

Sənədlə Xarici İşlər Nazirliyinə beynəlxalq təşkilatları, xarici qurumları və "ASAN Viza" vasitəsilə elektron viza imkanlarını məlumatlandırmaq, Dövlət Miqrasiya Xidmətinə isə aviasiya şirkətlərinə müvafiq bildirişlər göndərmək tapşırılıb.

Formula 1 yarışları ilə bağlı viza prosedurları sadələşdirilib – SƏRƏNCAM

Əlaqəli Xəbərlər

Rusiyanın qaz-kimya kompleksində yanğın baş verib

"Yuventus"un qapıçısı İngiltərə klubuna keçdi

Motosiklet qaçıran və oğurluq edən şəxslər saxlanılıblar

Güclü külək əsəcək - XƏBƏRDARLIQ