Nepalda güclü daşqın nəticəsində 31 nəfər həyatını itirib

Nepalın şimalında baş verən güclü daşqın nəticəsində 31 nəfər həyatını itirib, 93 nəfər yaralanıb.

Operativ Media xəbər verir ki, bu barədə yerli polis məlumat yayıb.

Bildirilib ki, 93 nəfər xilas edilib. İlkin məlumata görə, daşqın Nepal-Çin sərhədində qar və qaya uçqunu nəticəsində yaranıb.

Sosial şəbəkələrdə yayılan görüntülərdə güclü su axınının binaları, evləri və körpüləri dağıtdığı görünür. Yüzlərlə insanın, o cümlədən əcnəbi turistlərin itkin düşdüyü bildirilir.

Hazırda ərazidə axtarış-xilasetmə işləri davam etdirilir.