“Xankəndi” FK “Admedia” ilə tərəfdaşlığa başladı

"Xankəndi" Futbol Klubu “Admedia” reklam agentliyi ilə media və reklam tərəfdaşlığına başlayıb.

Operativ Media xəbər verir ki, bu barədə klubun mətbuat xidməti məlumat yayıb.

2009-cu ildən fəaliyyət göstərən “Admedia” 15 ildən artıq təcrübəyə malik 360° reklam və marketinq agentliyidir. Agentlik televiziya və radio reklamları, rəqəmsal marketinq, PR, brendinq, dizayn, kreativ həllər, daxili və çöl reklamları, reklam istehsalı, çap və poliqrafiya, eləcə də tədbir və sərgi təşkilatçılığı xidmətləri təqdim edir.

Tərəfdaşlıq çərçivəsində məqsəd Azərbaycan futboluna dəstək olmaq və bu sahənin inkişafına töhfə verməkdir.