"Aston Villa" 18 yaşlı PSJ oyunçusu üçün 55 milyon avro ödəyəcək

"Aston Villa" PSJ ilə 18 yaşlı seneqallı cinah yarımmüdafiəçisi İbrahim Mbayenin transferi üçün razılığa gəlib.

Operativ Media xəbər verir ki, bu barədə "The Athletic" məlumat yayıb.

İngiltərə klubu oyunçu üçün 55 milyon avro ödəyəcək. Qeyd edək ki, hazırda tərəflər transfer üzərində işləyir və lazımi sənədləri hazırlayırlar.

Seneqallı oyunçu parislilərin əsas komandasında debütünü 2024-cü ildə, 16 yaşında edib. O, PSJ-də ümumilikdə 42 oyunda iştirak edib, 4 qol vurub və 4 məhsuldar ötürmə edib.