Gürcüstan 1,5 milyon dollarlıq dələduzluqda təqsirləndirilən şəxsi Qazaxıstana təhvil verib

Gürcüstandan Qazaxıstana iri miqyaslı fırıldaqçılıqda təqsirləndirilən şəxs ekstradisiya olunub.

Operativ Media Qazaxıstan Baş Prokurorluğunun mətbuat xidmətinə istinadən xəbər verir ki, həmin şəxs 2023-cü ilin sonlarında Almatı şəhərində kommersiya təyinatlı daşınmaz əmlak satışı adı altında saxtakarlıq edərək alıcının 1,5 milyon dollarını mənimsəyib.

Cinayət əməlini törətdikdən dərhal sonra o, ölkə ərazisini tərk edib.

Aparılan əməliyyat-axtarış tədbirləri nəticəsində ötən ilin dekabr ayında şübhəli şəxsin yeri Gürcüstanda müəyyən edilərək saxlanılıb.

Qazaxıstana gətirilən təqsirləndirilən şəxsi 10 ilə qədər azadlıqdan məhrumetmə cəzası gözləyir.