"Azərkimya" "Azerfloat"a hidrogen qazı satacaq

Sumqayıt Kimya Sənaye Parkında fəaliyyət göstərən "Azerfloat" müəssisəsinə hidrogen qazının boru xətləri vasitəsilə nəqli və satışı nəzərdə tutulur.

Operativ Media xəbər verir ki, bu sözləri SOCAR-ın "Azərkimya" İstehsalat Birliyinin əməliyyatlar üzrə meneceri İlqar Qurbanov "20 Sentyabr - Neftçilər Günü" çərçivəsində SOCAR-ın Etilen-Polietilen zavoduna media-tur zamanı deyib.

Onun sözlərinə görə, layihə hazırlanıb və Fövqəladə Hallar Nazirliyi tərəfindən təsdiqdən keçib:

“Hazırda hidrogenin nəql olunacağı boru xətlərinin çəkilişinə başlanılır. Hidrogenin "Azerfloat"a satılması "Azərkimya" üçün əlavə gəlir yaradacaq və şüşə istehsalının artırılmasına imkan verəcək".